Tosca di Angelo

营业中

休息中

我同太太嚟到呢度慶祝我哋嘅結婚週年，太太本身就特別鍾意意大利菜，所以提早揀咗呢間餐廳去食 lunch!入座之後，我哋先讚下佢嘅 bread basket。佢哋自家製嘅十年酸種麵包配橄欖油，真係好好食！啖啖烘暖嘅酸種麵包，食得出個麵粉香，再配埋橄欖油，真係同平時出面買嘅 sourdough 好唔同！前菜方面，我哋揀咗生牛肉同金槍魚。佢哋嘅生牛肉配搭 Artichoke，口感真係好特別，會帶啲 crunchy。我哋都係第一次食到咁既配搭。嚟到主菜，我哋叫咗佢哋出名嘅紅蝦短闊管麵。一上檯就聞到好香嘅蝦味！食落口就好似濃縮嘅蝦精華咁，呢個絕對係必叫嘅！甜品環節，我哋就叫咗佢哋嘅 Tiramisu ，真係好細滑，帶有啱啱好嘅咖啡酒味，最正嘅個餅底仲係脆嘅！另外，我哋都鍾意食芝士，加錢叫咗一個 Cheese Platter。服務生會推架芝士車到檯前，好有耐心咁講解唔同芝士嘅特性。用餐中途又會過嚟問吓我哋意見，又會同我哋傾吓計。最專業嘅係，佢哋態度親切得嚟又唔會打擾到客人用餐，佢哋嘅知識同服務絕對可以提升整個用餐體驗！餐廳知我哋係嚟慶祝，仲特別送上甜品一份畀我哋！太太好驚喜又好滿意！總括嚟講，無論菜