農米莊

营业中

休息中

本身都唔興留食評，但呢間嘢太過分。開頭睇網上啲人大贊以為呢間嘢好好食，點知所有嘢味道都好奇怪。入嚟叫咗個花雕醉雞米線、太極鴛鴦皮蛋，同花雕糖心蛋。先講個花雕醉雞米線，唔知點解剩係得個鹹字，唔好話花雕連一啲酒味都無，從來未見過啲咁難食嘅湯底，啲米線好硬，好似食緊橡筋咁。個太極鴛鴦皮蛋唔知點解有浸魚腥味。最好笑係個溏心蛋，連個樣都唔知，食落去一pat嘢咁。真心唔知點解樣樣餸都可以咁難食，入去俾錢買難受。嗱嗱臨埋單走人。