雲香園小鍋米線

营业中

休息中

今日朋友帶我去佢平時返工放lunch 會食嘅米線鋪，間餐廳位置係小巷，但我地2點幾去到都好多人。天氣好熱，我地先叫咗名物涼拌墨魚頭同麻辣金錢肚爽食，開開胃先。墨魚頭爽口彈牙，份量又多。佢個調味非常好食。麻辣金錢肚就最啱我哋啲鍾意食辣嘅朋友，辣得嚟又唔會蓋過牛肚嘅香味，食到停唔到口。涼拌米線就最啱夏天食，冰冰凍凍，加埋啲醬汁，真係一流！我揀左螺旋草，好特別，平時唔係間間餐廳都有，口感爽脆，食落好健康。豬大腸處理得好乾淨，冇腥味，仲好入味添！小鍋紅薯粉朋友揀咗bb辣嘅酸湯底，酸酸辣辣，紅薯粉煙韌又掛汁，食到大家都話正！呢啲酸辣湯底通常一上枱就聞到香味，酸味醒胃，辣味又唔會太搶，開胃又舒服。紅薯粉吸晒湯底精華，每啖都掛滿酸辣汁，煙煙韌韌，食到停唔到口。最後梗係唔少得一杯檸茶，飲落夠晒清新解渴，完美收尾。