不過到咗食物上枱之後，失望就開始了。首先，食物份量唔多，以佢哋嘅價錢嚟講，真係唔值。海南雞飯味道普通，雞肉唔夠嫩滑，飯亦唔夠香；至於肉骨茶更加係失望，湯底淡而無味，完全唔似平時飲開嗰種香濃味道。
最唔開心嘅係，食到差唔多尾聲，另一位較為年長的職員突然走嚟話我哋「夠鐘」，但其實我哋睇單仲有10分鐘，而且現場仲有好多空枱，門口都只係得幾個人等緊外賣。最誇張係，嗰位職員態度極差，好似抵押監犯走咁，仲要企係度等我哋即刻起身去收銀處俾錢先可以離開，完全冇禮貌，感覺好唔舒服。
埋單時我哋都有向收銀職員反映意見，但佢哋都冇乜表示。之後先知原來有個港鐵會員優惠，可以送額外小食，但全程都冇人提過，枱面亦冇任何提示，變相你唔知就冇得攞，感覺好唔透明。
總結：食物一般、價錢偏貴、服務態度差、優惠唔清晰。呢次體驗真係令人失望，唔會再幫襯第二次。
