阿土伯鹽水雞 (東廣場)

之前都有食開呢間阿土伯鹽水雞，不過次次都係叫一人餐。今日見係兩個人，就叫個一隻雞既套餐啦。
🫛套餐包一整隻鹽水雞同埋六個配菜。配菜我哋揀咗兩份百業豆腐，甜豆，黑木耳，豆干同埋雞翼尖。份量都唔少嘅，而且拌得非常均勻，味道都好適中。
🐥但係嚟到雞嘅部份就出事了。講到明係全雞，你冇雞翼我都算，我當你係要分開賣。但係兩盒入邊我諗有九成半都係雞胸，脾嘅部份得嗰一兩舊，唔講仲以為佢係變種雞，成隻雞只有胸部😂
🙈下次如果要食，我諗我都係揀返一人餐算啦。一人餐有得揀要脾要翼定要胸，唔洗硬食。

2