癡膠雞 (荔枝角道)

营业中

休息中

太子癡膠雞絕對係一間值得一試的餐廳！佢哋嘅椰子雞米線，真係好正。首先，個椰奶味非常濃郁，唔似一般嘅椰子水，飲落去非常滋潤，湯底奶白色，完全唔會覺得口渴，尤其係天氣冷嘅時候，飲一碗熱辣辣嘅椰子湯，感覺非常舒服。另外，佢哋嘅雞肉真係好嫩滑，煮得剛好，口感非常好，令人一口接一口。最特別嘅係，個湯底底下仲有火煲住，隨時保持著熱度，無論幾耐都唔怕攤凍。至於店鋪名物花膠雞，真係值得一試！大大塊花膠搭配嫩滑嘅雞肉，湯底明顯係煲出黎，飲落味道好濃郁，唔會太重調味，完全唔怕口渴，飲完暖笠笠，好舒服！最後，好彩早入去，食完出嚟已經排滿隊，想食嘅話就預早啲啦～