影片
更多
2025-07-13
34 浏览
知道我朋友係BTS粉絲，見到餐廳出咗個應援套餐，仲有卡仔送，所以就約朋友過嚟💜。當然過程入邊佢就不斷同我講BTS有幾正，我就比較專心食嘢多啲，見到佢抽到想要嘅成員我都開心。前菜唔夠可以再叫店員加，個套餐送嘢飲，好開心見到係玻璃樽可樂。‣ BTS Festa $398· 辣奶油排骨鍋平時好驚食韓國嘅辣嘢，驚一食自己接受唔到太辣，但係我覺得如果係辣奶油嘅話，大家都唔使擔心，我覺得嗰種辣係會令到我覺得刺激，但係又有奶油中和返，食嘅時候唔會係咁流鼻水。因為有火一直熱住個鍋，所以啲排骨都煮得好腍，個鍋入面仲有年糕、粉絲同埋淮山，都幾豐富。· 芝士粟米蟹柳炒飯 ＋$50本身驚唔夠飽嗌多咗個炒飯，點知就食到爭啲捧住個肚走，如果三四個人食嘅話可能加埋個炒飯就會好啲。個炒飯最正係加埋落辣奶油嗰到食，店員會好細心咁樣將入邊啲餸夾晒出嚟先再放個炒飯落去。煮完之後熱辣辣配埋紫菜食一流，加埋啲芝士拉絲真係不得了，但係真係要小心辣手。· 炸無骨雞 $98套餐本身就有炸雞，但係我貪心啲想食兩隻味就嗌多半份。套餐本身跟就揀咗甜辣味，價錢就揀咗柚子醬。甜辣味我覺得正常發揮，相比之下我更加鍾意柚子醬，酸就唔係好食到，
‣ BTS Festa $398
· 辣奶油排骨鍋
平時好驚食韓國嘅辣嘢，驚一食自己接受唔到太辣，但係我覺得如果係辣奶油嘅話，大家都唔使擔心，我覺得嗰種辣係會令到我覺得刺激，但係又有奶油中和返，食嘅時候唔會係咁流鼻水。因為有火一直熱住個鍋，所以啲排骨都煮得好腍，個鍋入面仲有年糕、粉絲同埋淮山，都幾豐富。
· 芝士粟米蟹柳炒飯 ＋$50
本身驚唔夠飽嗌多咗個炒飯，點知就食到爭啲捧住個肚走，如果三四個人食嘅話可能加埋個炒飯就會好啲。個炒飯最正係加埋落辣奶油嗰到食，店員會好細心咁樣將入邊啲餸夾晒出嚟先再放個炒飯落去。煮完之後熱辣辣配埋紫菜食一流，加埋啲芝士拉絲真係不得了，但係真係要小心辣手。
· 炸無骨雞 $98
套餐本身就有炸雞，但係我貪心啲想食兩隻味就嗌多半份。套餐本身跟就揀咗甜辣味，價錢就揀咗柚子醬。甜辣味我覺得正常發揮，相比之下我更加鍾意柚子醬，酸就唔係好食到，比較甜，但係唔會話係死甜嗰隻柚子醬味，我都幾鍾意呢個組合。而炸雞本身都幾嫩，無骨就食得好爽。
· Purple Love 雪糕杯
個雪糕都幾好食同埋幾有心機，本身諗住可能淨係紫芋雪糕球，但係冇諗過係芭菲，有蛋糕同埋脆片做搭配。雪糕就雲呢拿味，隔離忌廉就係紫芋味，都幾有心機，但小心啲唔好將上面細細隻cooky食咗落肚。
张贴
