大角咀麥太甜品

呢間位於奧海城1期嘅甜品鋪其實已經開左好耐，可以話真係J小編細細個就已經係到。不過聽過有街坊講其實就算開左咁耐都未食過，因為佢唔算係一個超起眼嘅位置。雖然係咁，但坐坐下都幾多人，坐低定外賣都有~又夠大碗材料好足，最重要價錢親民，真係超抵呀！！🙌🏻

麥太不論價錢定質素都係中上或以上。除左中式甜品之外，佢哋都有提供少量嘅西式甜品嫁。希望大家都多多支持社企，為更多弱勢社群造就更多就業機會😉

呢個蕃薯糖水係有勁多蕃薯，而每舊蕃薯都好大舊好甜好淋。糖水又唔會太甜太多薑味，味道甜度剛剛好。

$25

小編們見到呢個份量係嚇親，係勁大碗超滿😨芝麻糊同合桃露都好香滑，芝麻同合桃味都好出，亦唔會好甜，係真材實料👍🏻

$32