大家都想食烏冬😂就搵咗呢間
好似冇乜人介紹過
可以自選湯底、配料同麵款
2
13
每人附送沙律前菜
▶️ 低溫慢煮雞肉醬油味雞白湯烏冬 ($58)
好豐富嘅配料：雲耳、芽菜、竹筍、洋蔥粒、紫菜
仲有半隻半熟蛋同四厚片雞胸肉
半熟蛋入味，時間拿捏得好，蛋黃晶瑩剔透🥚
略嫌雞胸肉嚡身少少，同埋有啲人工醃製鹹味，似CP一袋10件黑椒即食雞胸嗰隻🫢
不過啖啖肉，適合健身人士
湯底值得欣賞👍🏻雞白湯呈金黃色，夠濃厚又唔太鹹，齋飲都OK
烏冬非讚岐/稻庭烏冬，而係扁身偏易斷，唔彈牙
感覺襯唔上個湯底，有啲可惜😢
▶️ 慢煮豚肉叉燒特制蕃茄湯烏冬 ($58)
蕃茄湯真材實料，飲得出唔係罐頭或落太多茄膏
雖然冇濃濃蕃茄鮮甜味，但係健康味道🍅唔錯
另外配上娃娃菜、香菇，田園風
-
湯底做得好好😋精心炮製
睇得出有心機做，每碗麵都即叫即制
唯獨烏冬選材有啲失色，可能拉麵好啲
服務同環境正常，店舖位置較偏僻難搵
性價比高，平均$60/拉麵，唔收服務費
完全係平民界拉麵之選🍜
