醒起洋食商店係利奧坊有分店
朋友勁鍾意黑松露帶佢去試下
選擇困難最啱就係叫套餐
揀左澳洲M9和牛西冷➕️美國頂級牛頸脊壽喜燒黑松露燉飯
之前去過長沙灣分店，已經覺得服務一流
店員係會幫忙燒，我地負責等食
美國頂級牛頸脊牛味濃郁，索晒壽喜燒個汁一流
澳洲M9和牛西冷大大塊，蘸埋生雞蛋sir落喉嚨，一d都唔誇張
食完🐮梗係要食埋d蔬菜平衡下，等食既時間，其他菜都陸續嚟
小食：
清酒煮鮮貝類
大大隻鮮甜肥美，無沙份量十足，個湯都飲埋
仲跟埋麵包比你蘸湯食
雞皮餃子
雞皮脆卜卜，咬開好juicy
🍟松露芝士薯條
面頭仲有芝士蓋頂，薯條外脆內軟
松露醬汁好得，朋友話唔夠喉要拎多碟
話咁快娃娃菜、冬菇、豆腐、洋蔥就已經煮好
香甜既壽喜燒汁令到一份平平無奇既蔬菜
昇華左去另一個層次，最正既係娃娃菜
飲品：
🍑蜜桃荔枝茶酒 (含酒精) $ 58
蜜桃×酒都幾夾，大大杯
🍍菠蘿百香果乳酪烏龍 $ 40
菠蘿味突出，整體都唔錯
最後就係黑松露燉飯，加埋蛋落去，收汁就食得
黑松露好香，朋友超開心
呢個飯絕對係精華所在～完美既句號
1
