牛站(駅)麻辣火鍋放題

营业中

休息中

之前食過其他牛站（駅） 麻辣火鍋放題 分店 覺得唔錯， 今日約朋友旺角食飯心思思就book咗旺角分店食。 旺角分店位置好方便就係創興廣場，地鐵站行過去都係幾分鐘， 2樓全層地方好大， 好欣賞佢哋有個好大好靚嘅等候位， 未入座都安排一個好舒適嘅地方等候。佢哋出名牛肉靚， M5和牛大大片， 肉質鮮嫩牛味濃郁， 極上牛小排油脂分佈均勻 入口即化。 除咗肉類海鮮都好吸引， 鮮蝦有基圍蝦及大頭蝦，鮮甜彈牙， 牡蠣大大隻肉質飽滿， 鮮甜可口。 QR code落單 仲可以選擇 乳鴿同 芝麻雞翼， 芝麻雞翼外脆內 嫩，我都忍唔住食咗四隻。食物多元化，自助區有多款火鍋配料蔬菜、豆腐、粉麵丸類以供選擇。精緻嘅甜品、 飲品、雪糕、生果任飲任食，仲有小朋友最鍾意嘅軟雪糕同糖果吧超豐富。