黑門水產すいさん (棉登徑)

生日月密密食😋今日嚟到銅鑼灣，食呢間都幾出名嘅日式居酒屋未入到去都感受到去左日本嘅感覺，裏裏外外都係日式居酒屋嘅裝修，一解思鄉之情😆座位舒適闊落，嗌到成枱野都擺得落海膽蟹味噌甲羅燒海膽同蟹膏味道非常濃郁，燒完之後搽上梳打餅，鮮味到不得了，超級推薦！蟹油蒜燒帆立貝帆立貝新鮮彈牙，蒜燒非常惹味，食完帆立貝，啲蒜蓉攞嚟撈飯好正😋秋刀魚刺身上台真係哇一聲，色香味俱全，唔單止砌到好靚，秋刀魚嘅肉質鮮嫩柔軟，有彈性。薑蓉同埋蔥，加埋落豉油一齊點，有鮮甜魚味又唔會腥。店員仲同我哋講，個魚骨可以整埋炸魚骨，魚頭魚骨脆卜卜好香口👍👍刺身定食超級足料嘅刺身定食，有多款刺身，帶子、油甘魚、三文魚、吞拿魚、蝦仲有海膽，質素高新鮮好食，仲跟埋前菜、蒸蛋、麵豉湯同埋醋飯，好滿足！柚子胡椒豚肉鍋定食朋友仔想食熱嘢，就叫咗個鍋物，豚肉新鮮肉味濃郁，湯底好重柚子味，配埋烏冬食真係一流整體來講，呢間餐廳非常適合人多聚會，地方大，菜式選擇多，食物表現亦都出色，非常推薦😆