魔記車仔麵檔

今晚同朋友經過長沙灣呢間車仔麵，見到價錢唔算太貴，又好耐冇食車仔麵，就入去試吓，佢地車仔麵嘅餸款式都幾多，我地就叫咗幾個餸試吓。

2

車仔麵都幾大碗，份量都幾多，一定夠飽，佢地d餸都幾出色。
秘製辣汁，香辣夠晒惹味
牛孖筋，煙煙韌韌，滷得好入味
滷水猪大腸，清潔得非常乾淨，肥膏唔算多
辣汁水魷魚，好爽脆，辣汁味道好惹味
甜蘿菌，食落冇渣，味道清甜
南乳豬手，充滿骨膠原，南乳味道好香，夠晒入味，豬皮煙煙韌韌，口感十足

即炸豬排
豬扒都幾大塊，即叫即炸，熱辣辣，豬扒似質都幾juicy,唔會柴，味道醃得好好。