銘興山西刀削麵 (黃埔新邨)

餐廳主打刀削麵，有大量款式既食材選擇，有辣有唔辣。疫情下入座前要量體溫，有消毒搓手液搓手。lunch hour好多人排隊叫外賣，堂食都坐滿人，做足隔離措施，例如屏障。
叫左豬軟骨刀削麵($4X)，豬頸肉刀削麵($4X)，涼拌皮蛋($2X)。

豬軟骨刀削麵

豬軟骨有3大件，件件都厚肉仲有軟骨，軟骨煮到好軟好有骨膠原既狀態。刀削麵唔會煮過軟，而且食極都仲有，男仔食可能都覺我好多。湯底濃郁好飲，飲完之後唔會覺得口乾想飲水。

豬頸肉刀削麵

豬頸肉又係有好多塊厚切，起碼有8件，微微燒過(?)，肉唔會"鞋"。

涼拌皮蛋

皮蛋面鋪有花生，屬微微辣，皮蛋香口，不過不失。另外每枱有一樽醃蘿蔔，酸酸辣辣非常開胃。

整體，抵食大份既麵，下午茶亦非常抵。