超值10人套餐 （10-12人）
開頭叫左10人套餐，最後加咗人，所以同店主商量可以15人份量
朋友們嘅口味非常腌尖，多多選擇搞到我哋心大心細。知唔知店主竟然話直接問我想食咩，所以有兩樣嘢食係我哋自己發辦嘅，店主都肯做俾我哋實在太開心🤣
泰式生菜包（自己發辦）雖然肉碎同埋豆角唔算切得細粒，但係吃得到豆角脆卜卜，好新鮮。肉碎唔會太肥，味道很泰式，還有一種特別的香料不過咩就唔深究了😂 生菜亦新鮮洗得好乾淨！
泰式魚餅（自己發辦）呢款魚餅的確很少見，帶少少冬陰功嘅香辣味，口感煙韌有鮮味
主食
芝士焗豬扒飯分量十足，芝士很多，豬扒唔會有鬆肉粉嘅化學味道👍🏻
星洲炒米 唔會太辣， 對於怕辣嘅人嚟講實在太開心🥳唔會過林，亦都唔乾身！
秘製手撕雞 手撕雞非常新鮮，有口感仲有肉汁，配埋青瓜絲同埋芝麻醬，好惹味！
港式咖喱魚蛋竟然係大大粒魚蛋，真係有驚喜，又彈牙又爽口。咖喱汁都唔會好辣！
秘坊燒豬頸肉我哋自己改咗淨係要豬頸肉，
份量都好多，肥瘦都算均勻，肉質爽唔黐牙，炭燒味亦都算唔錯
脆炸雞翼配秘製麻辣柚子醬雞翼大大隻，雖然送過嚟要一段時間，但係個皮都唔算係濕到林，仲係乾爽嘅！ 醬汁特別，酸酸甜甜微辣好開胃！
隆重登場嘅焦糖法式布甸賣相非常吸引，雖然個人認為甜咗少少但忌廉味非常重，口感都非常香滑，雲呢拿味同忌廉味都好平衡！非常值得一試
秘坊到會價錢大眾化，而且可以自選，我相信食物嘅味道都可以調整，要甜啲辣啲都可同店主講聲，佢都盡量可以配合！
同一班friend開party要bookmark定啦
