八妹雞煲

营业中

休息中

#秘製八妹雞煲醬汁好濃好夠味，小辣啱啱好唔會太辣。雞肉都足料，食落去真係好惹味！最欣賞佢嘅湯唔係普通清水，每台都放咗一樽奶白色嘅湯，所以最後食完雞再加湯打邊爐嘅時候，湯都唔會淡！#椒鹽墨魚咀新鮮炸出嚟，個皮好脆，但調味少咗啲，要點埋雞煲醬一齊食，味道就啱啱好。#手切肥牛油脂分布幾好，食落去都有牛味！#墨魚滑拼蝦滑中間食到墨魚肉同蝦肉都足料，但略嫌唔夠彈牙。#總結整體嚟講味道夠晒，而且食材都幾有質素。雖然有啲小地方可以改善，但都值得試下！