而且通常係DINNER時間話題仲係傾唔完，緊係要直落下場，去食返個甜品滿足一下!//
今次行下行下經過隱世Cafe，雖然地點比較偏僻 (其實就係大埔墟火車博物館附近) ，但都有驚喜美食呀!
店裡環境係TIFFANY GREEN & BLUE 為主調，所以好適合女生gathering! 今次我地兩個女仔，因為胃口亦較細，就嘗試左佢地既 綠茶紅豆軟糕吐司。 其實整體感覺好韓風架 (因為成日見到韓劇女仔都會食依類型既甜品) ，一有吐司到我地已經''哇""一聲，因為好靚! 佢既擺碟﹑綠茶香味都出晒黎。影完一輪相終於開動，特別一提係多士入面既綠茶汁係味道幾濃下，而吐司上面又有綠茶醬，甜甜紅豆同凍冰冰綠茶雪糕，除左"好綠茶"之外，就係口感非常了!
不過唔鐘意綠茶既朋友，可能就要嘗試下其他甜品了，但整體份量都適合兩個細胃女仔架!
