❀推薦以下必點菜式❀
❣︎滿屋海膽杯❣︎
海膽杯三層顏色😍內有海膽，吞拿魚蓉，牛油果，同魷魚，望落相當吸晴，質地棉密，入口鮮甜濃郁。
❣︎鹽焗海花螺❣︎
花螺肉質Q彈緊實，有海鮮鮮甜味😋亦帶有淡淡鹽香味。
❣︎柚子醋花海蜇❣︎
海蜇非常爽脆，柚子醋酸酸甜甜😋入口清爽，非常開胃。
❣︎紐西蘭西冷牛扒❣︎
用小鐵板上👍🏻超有誠意，上枱時仲吱吱喳喳出煙架😋西冷扒味道濃郁，肉質緊實但唔鞋口。
❣︎日式烏冬❣︎
昆布湯底清淡鮮甜😋👍🏻 烏冬麵有嚼勁，又夠熱辣辣。
❣︎滿屋桃膠雪燕榴槤飄香❣︎
超濃郁嘅榴槤蓉🤤入口仲有榴槤果肉，加埋桃膠同雪燕嘅膠質口感，真係食唔停口👍🏻
