首先係入面主要外國人客人
門口跟餐廳之間area係寵物友善
見到唔少放狗朋友 可以慢慢嘆杯靚酒
完全係秒飛意大利一轉既感覺
見到餐牌價錢又唔貴
意粉主食類都係$150水平
set dinner係$298包含前菜主食甜品
估唔到跑馬地都食到咁抵既晚餐
<Alonzo Set Dinner(3 courses) $298 x 2>
//Italian cold cuts & Cheese//
前菜由2款芝士與3款意大利風乾火腿為主
食落好開胃 仲有2片烘烤多士配橄欖
最愛parma ham夾住芝士食 口感大滿足
//Seared Tuna (+$48)//
另一個前菜係半熟口感的吞拿魚
配上紅椒 火箭菜 水瓜榴 檸檬汁和橄欖油
吞拿魚外層煎香 食落清新又開胃
//Alonzo Carbonara//
意大利餐廳當然叫招牌Carbonara
餐牌上寫著用羅馬豬頰肉 令人期待
意粉份量很足 口感濃郁蛋香很creamy
同時食到豬頰肉香味 令人食唔停口
//Italian Porchetta (+$48)//
由意式煮法的脆皮豬腩 香味十足
豬腩肉的外皮脆口 肉質軟淋多汁
底部配上香滑薯蓉跟菇菌醬
食落濃郁豬肉味道 又唔會過鹹
//Tiramisu//
意想不到的濃郁酒香口感
入口細膩軟滑 唔會太甜
咖啡味同酒濃度控制好好
慶祝生日有免費寫HBD好細心
//Cheesecake//
上層士多啤梨醬 下層為芝士蛋糕
入口濕潤 帶酸又甜 食完都唔會膩
份量剛好唔會有邪惡感
//Auntie Maria A. Spritz $68//
由香橙為主調的雞尾酒
果香跟酒體很平衡
招牌雞尾酒果然令人驚喜
//Peroni Draft Beer $58//
清爽的意大利品牌生啤
配上各款主食都非常搭配
