樂天皇朝 (青衣城1)

营业中

休息中

餐廳最出名食小籠包，仲有其他常見既上海菜。青衣尼間環境都唔錯，如果安排到近廚窗既位置既話，仲可以望到廚師整小籠包添。每枱都有一壺熱茶飲，小菜花生一碟，要收錢，亦有茶位費。叫左特色皇朝八色小籠包($108)，皇朝話梅骨($88)，官廷驢打滾($42)，檸檬蘆薈桂花蜜($28)。八色小籠包由原味食起至麻辣味。其中人參，黑松露，麻辣口味較為突出。小籠包既外皮薄，一咬好多汁湧出。要趁熱食。話梅骨酸味重而且話梅味濃郁，所以最岩鍾意食酸野既朋友，每件排骨都沾滿話梅醬。驢打滾粉團軟綿綿，包住層層紅豆蓉，外層仲有滿滿既碎果仁，甜而不膩。桂花蜜蘆薈量多，桂花蜜香甜。不過飲到差唔多最後，有d甜，所以享用前要攪勻d。總括黎講，餐廳裝飾靚，而且服務唔錯。