撈得喜火鍋冰室

营业中

休息中

一直以嚟食雞煲，都係麻辣雞煲，然後加湯再火鍋。 今日呢一間好特別， 佢有好多種好吸引嘅湯底，例如椰子雞煲，藥膳雞煲， 胡椒豬肚鷄煲， 花膠雞煲等 。原本想叫個椰子雞煲嘅。 但係隔離枱嘅藥膳雞煲， 香味實在太吸引。店員送上雞煲後仲有一個計時器，當湯滾後就可以落雞，然後繼完時雞就可以食了。 雞煲內有好多配料，有蟲草花，杞子，紅棗，淮山， 等等。一打開佢就有好香嘅藥膳味，咬落啲雞一啲都唔韌，好鮮嫩， 好有雞香味。食呢個湯底切記要飲埋啲湯， 啖啖都好濃郁。佢嘅自助區都有好多嘢食。 除咗蔬菜， 丸，牛肉，黑毛豬之外，仲有海鮮，例如有蝦，蠔，蜆，同埋魚，等等。仲有甜品部， 有各式蛋糕，同埋雪糕，佢個雪糕幾好味，味道又係好濃郁。另外一讚，佢有多款飲品。 其中我飲嘅無糖。 茉莉花茶好香茶香味，感覺好青春又可以解膩。相信係商家自己炮製， 果然好細心。總括嚟講，我好鍾意佢嘅環境，乾淨整潔，然後服務員有好有笑容， 食物質素亦相當好， 性價比高。