一鳴拉麵

营业中

休息中

火炙海鮮丼定食($148)帆立貝好甜，左口魚邊入口即融，珍寶赤海老絕對對得住佢個名，睇相就知，仲長過個碗，因為有燒過，所以食落口好香🥰炙燒壽司配迷你拉麵($88）鮭魚同鮭魚脂油脂分佈均勻，入口即融化。作為一個唔鍾意食鰻魚嘅人士，呢度嘅鰻魚醬汁超夾，鰻魚唔會好腥，十分欣賞。紋甲烏賊咬起來唔會韌，醬燒蟹棒就正常啦，玉子好甜同有蛋味，加洲卷就同平時嗰啲差唔多～而迷你拉麵份量都算多，上菜係熱辣辣，都幾香濃，一啲都唔馬虎。唐揚軟殼蟹($58)軟殼蟹熱辣辣，一入口口感十分脆口，好正好好食🤤*以上價錢未加一*以上食評為個人感受，僅供參考。