兆和茶餐廳

营业中

休息中

呢間嘢都去過幾次, 味道同一般茶餐廳一樣，不過佢有鱔糊及蘭州拉麵食，就有陣時都會幫襯下，但最近一次係星期三晚市七點幾。我哋叫咗鱔糊飯同埋xo醬火腩煲。鱔糊飯好快上但個火腩煲幾乎等咗成半個鐘頭，鱔糊飯都食完，佢才黎火腩煲！ 見佢不停係咁接外賣，所以佢人手唔夠，等堂食等到你癲。大家入去要有心理準備要等。 火腩煲味道係做到出嚟嘅，起碼熱辣辣煲仔上，鱔糊中規中矩。味道唔差嘅。火腩煲鱔糊飯合共150蚊。性價比唔係太高囉。仲有我好大隻，佢安排我坐圓枱，當時冇卡位都冇辦法，但伙記顧客行出行入撞到我幾次，後尾有卡位轉返卡位就好啲。