影片
更多
2025-03-13
67 浏览
Honey鍾意食雞蛋仔，又鍾意食開心果，今日做野行過葵涌廣場見呢間終於(先前買過好多次都好多人排隊買) 無人排隊，我又早收，諗住買底開心果雞蛋仔俾佢開心吓。買果時都奇怪架啦，點解有個女仔嬲爆爆拎返黎換嘅呢，同個男收銀唔知個講咗句咩，太細聲我聽唔到，之後換咗底俾佢。到我俾完錢等緊整果時，又有另一對情侶拎住底雞蛋仔返去換，今次我聽到啦，個男嘅話唔要咁"火農"! 見佢回收果包又係好似頭先果包咁，放返入去個櫃度。我都為之側目，睇佢個款佢擺入個櫃度又唔係掉，斷估佢會賣俾下一位。上一手衛啦衛生就見仁見智啦。最衰我唔夠細心又無留意，我睇住我果底佢摻啲開心果碎落去即整，佢俾我時我無睇吓。返到馬灣我一開，黑x過鑊底！不過都唔夠honey興高采烈打開時果塊面咁黑。咁樣做生意手法，你只賺埋我今次錢，我係絕對唔相信你入袋時睇唔到。因為好嬲，所以下次我再去時特登再影張門口嘅相post上黎！啲雞蛋仔成本又唔係貴，又無客等，實在太唔老實！講返野食，Honey佢一粒都無食，我只食咗幾粒，盲食嘅都食唔到開心果味，一啲味都無。亦都無雞蛋仔味，唔知食咗乜野！想戒食雞蛋仔一定要試，包你之後唔想再食！
買果時都奇怪架啦，點解有個女仔嬲爆爆拎返黎換嘅呢，同個男收銀唔知個講咗句咩，太細聲我聽唔到，之後換咗底俾佢。到我俾完錢等緊整果時，又有另一對情侶拎住底雞蛋仔返去換，今次我聽到啦，個男嘅話唔要咁"火農"! 見佢回收果包又係好似頭先果包咁，放返入去個櫃度。
我都為之側目，睇佢個款佢擺入個櫃度又唔係掉，斷估佢會賣俾下一位。上一手衛啦衛生就見仁見智啦。最衰我唔夠細心又無留意，我睇住我果底佢摻啲開心果碎落去即整，佢俾我時我無睇吓。返到馬灣我一開，黑x過鑊底！不過都唔夠honey興高采烈打開時果塊面咁黑。
咁樣做生意手法，你只賺埋我今次錢，我係絕對唔相信你入袋時睇唔到。因為好嬲，所以下次我再去時特登再影張門口嘅相post上黎！啲雞蛋仔成本又唔係貴，又無客等，實在太唔老實！
講返野食，Honey佢一粒都無食，我只食咗幾粒，盲食嘅都食唔到開心果味，一啲味都無。亦都無雞蛋仔味，唔知食咗乜野！想戒食雞蛋仔一定要試，包你之後唔想再食！
张贴
