喜煌點心牛肉世家

呢間點心店，有地下及樓上兩層，樓上有地鐵主題裝修，可以打卡影相📸

點心方面喜煌點心堅持每日用新鮮牛肉同即叫即蒸。粟米煎牛餅用新鮮牛肉，外面香脆～～

金湯瑤柱灌湯餃一啖咬落去爆曬湯，瑤柱鮮味突出；

原隻鮮蝦腸粉皮薄滑溜，入麵包住成隻爽口大蝦；

蝦餃王皮薄得嚟唔易穿，蝦肉爽口～～

鮑汁花生炆豬手炆得超淋滑；

金錢肚好入味。

見到餐廳有$5括括卡，內有不同優惠，所得款項會捐贈給浪浪之家。有得玩又幫到毛孩，好有意義！