影片
更多
2025-05-11
1185 浏览
「九龍城」食泰菜大家都知啦，為食🐑今次去邊一間？ 揀呢間「泰象館」因為出名抵食、性價比幾高，入面充滿泰國裝飾，氣氛好熱鬧，都好多熟客幫襯！🔥串燒✨跟咗惹味辣醬汁🌶️燒雞腎 $15外皮以為佢乾爭爭，點知原來入面都幾嫩，唔會燒得太乾，入口啖啖肉先，可一食！💛燒風鱔 $35食入口同樣啖啖肉，外皮燒到香脆，燒烤迫曬當中嘅油份出嚟，肥美鮮香！🐔燒雞全翼 $18原隻大大隻雞翼都係$18，都幾抵食！🥬🐖泰東生菜包 🐖 $84口味可以揀辣度，怕辣嘅朋友叫微辣就可以，呢個生菜包酸辣平衡都做得唔錯，豬肉使用咗比較肥豬肉部份，仲有少少隱約嘅鹹魚味，感覺真係好惹味！🥬生菜比平時嘅細塊啲，更加容易食！🍍菠蘿海鮮炒飯 $88真係有緣隻菠蘿喺度㗎‼️菠蘿炒飯絕對係泰菜入面嘅經典，呢個都係沿用返經典配方，上面有勁多肉鬆同埋腰果，入面有三色豆同埋香甜菠蘿，最好食嘅配菜係嗰啲粒粒臘腸肉同魷魚，腰果仲脆卜卜，感覺好豐富！🍋🟩青檸梳打 $26落足青檸，叫咗少甜會比較酸，建議飲返原味！🧡龍眼冰 $26以呢個價錢嚟講俾足料，因為入面有成10粒龍眼肉，香香甜甜配飯都OK！
🔥串燒✨跟咗惹味辣醬汁🌶️
燒雞腎 $15
外皮以為佢乾爭爭，點知原來入面都幾嫩，唔會燒得太乾，入口啖啖肉先，可一食！
💛燒風鱔 $35
食入口同樣啖啖肉，外皮燒到香脆，燒烤迫曬當中嘅油份出嚟，肥美鮮香！
🐔燒雞全翼 $18
原隻大大隻雞翼都係$18，都幾抵食！
🥬🐖泰東生菜包 🐖 $84
口味可以揀辣度，怕辣嘅朋友叫微辣就可以，呢個生菜包酸辣平衡都做得唔錯，豬肉使用咗比較肥豬肉部份，仲有少少隱約嘅鹹魚味，感覺真係好惹味！🥬生菜比平時嘅細塊啲，更加容易食！
🍍菠蘿海鮮炒飯 $88
真係有緣隻菠蘿喺度㗎‼️
菠蘿炒飯絕對係泰菜入面嘅經典，呢個都係沿用返經典配方，上面有勁多肉鬆同埋腰果，入面有三色豆同埋香甜菠蘿，最好食嘅配菜係嗰啲粒粒臘腸肉同魷魚，腰果仲脆卜卜，感覺好豐富！
🍋🟩青檸梳打 $26
落足青檸，叫咗少甜會比較酸，建議飲返原味！
🧡龍眼冰 $26
以呢個價錢嚟講俾足料，因為入面有成10粒龍眼肉，香香甜甜配飯都OK！
张贴
