(5 😍 係滿分，🤩係半分）
泰式脆燒肉炒金邊粉 🇹🇭🐷🔥🍜 - $108 (好味指數：😍😍😍😍)
味道豐富，因為落左羅望子醬、棕櫚樹糖🏝️、魚露🐟等等，所以集酸、甜、鹹於一身～ 上面鋪滿左燒肉🔥🐷，表皮香脆唔會硬，啲肉顏色粉嫩，係半肥瘦既，有鹹香同豐腴既油香🤤 亦有香口既蛋絲🥚、清新既豆腐⬜️、爽口既芽菜、香口既花生碎🥜，金邊粉軟腍，亦可以濟啲青檸汁🍋🟩落去就再refreshing啲tim~
泰式蟹肉炒飯 🇹🇭🦀🔥🍚 - $138 (好味指數：😍😍😍😍)
真係落足一梳梳蟹肉🦀去炒👍🏻 質感綿密軟糯，味道鮮美，亦落左唔少香口既蛋🥚、清新既蔥同洋蔥🧅去炒🔥，亦有泰國香料🇹🇭🌱做調味，包括香茅、南薑🫚、檸檬葉🍋🌱、魚露🐟、檸檬汁🍋等等，整體幾香口，亦都炒得夠乾身，粒粒分明～
泰式蝦醬炒通菜 🇹🇭🦐🔥🥬 - $58 (好味指數：😍😍😍😍😍)
有濃郁醇厚既蝦醬🦐味道，亦有蒜頭🧄、辣椒🌶️、魚露🐟、蠔油等做調味，集鮮味、鹹香同微辣🌶️於一身，惹味香口，而啲通菜🥬入晒味，顏色翠綠，亦炒得久耐唔會硬，用嚟送飯一流👍🏻
1
泰式雜錦海鮮煎 🇹🇭🦐🦪🫓 - $128 (好味指數：😍😍😍😍🤩)
呢個幾得意，係濕潤版既蠔餅🦪🫓🤩 有超多海鮮，包括有爽口既蝦🦐、彈牙既魷魚🦑、鮮甜嫩滑既蠔仔🦪，帶有豐富既海鮮鮮味，配埋足料既蛋🥚，香口惹味，亦可以點酸甜辣醬🌶️食就更加開胃🤤
西瓜沙冰 🍉🍧 - $48 (好味指數：😍😍😍😍🤩)
好大杯🤩 有天然既西瓜🍉香味，味道清甜解渴又可以清熱，質感軟滑，上面仲有西瓜球🍉可以食tim😜
1
椰奶沙冰 🥥🍧 - $68 (好味指數：😍😍😍😍🤩)
呢個仲大杯😂 有芳香馥郁既椰子🥥香味，味道清新香甜，消暑解渴，質感軟滑，上面仲有煙韌清新幾椰子肉🥥可以食ga
好味指數：😍😍😍😍🤩
推介指數：😍😍😍😍🤩
