Maki拉麵

雖然冇食過一百碗唔同嘅拉麵，但脷尖上嘅味蕾都仲分得開乜嘢叫好食同唔好食，Maki 拉麵耐唔耐都會幫襯下，佢地款式唔多但用料同味道一流。佢地嘅麵比較幼同白，唔似一般日本拉麵，反而畀到新鮮感，叉燒肉質有口感，流心蛋同大大塊紫菜都一啲唔馬虎，個湯底做得好好，淺嚐一兩口後都唔覺口渴。另外啲小食都有水準，推薦煎餃，饀料加入軟骨，增加咬口，唔錯。價錢在同區稍貴，但小店用心烹調，亦算值回票價。