黑芝麻忌廉筒：$18，以忌廉筒嚟講，佢唔平，屋企附近有舊式餅店的奶油忌廉筒傳統又出名，只係$10；呢個忌廉筒唔係cone形，係圓筒形，入面填滿黑芝麻忌廉，但不至於爆餡，冇漏出嚟；買完隔2-3個鐘先食，佢應該冇原先咁脆，一刀切落去，唔係「咔嚓」咁脆到散開，但亦唔會擺到腍曬，佢有少少似軟咗的拿破崙酥皮；黑芝麻忌廉冇忌廉咁輕盈、空氣感重，有人形容話佢似芝麻糊，咁又未至於咁杰，佢的質感界乎忌廉同糊之間，味道略甜而帶濃濃的黑芝麻香；作為忌廉筒，佢唔平，但佢唔係一般奶油忌廉筒咁普通，而作為飯後甜品，佢就超級經濟實惠，只係$18，已經夠2個人止到少少甜品癮；如果唔係忌廉筒愛好者，可能唔會主動回購，但如果有得再食，又完全唔會抗拒
1
