一開始來咗個和風沙律，另外仲有雜錦刺身盤﹑日本直送生蠔同埋精選串燒拼盤。些刺身都幾大塊，入口新鮮，串燒拼盤入面既燒菠蘿都幾好食。
之後食咗個五色刺身海膽甜筒，呢個真係必食！刺身口感新鮮，海膽好鬼鮮甜，甜筒仲有陣蝦餅香味，最底仲有吞拿魚蓉，好高質！
仲有個十二款手握壽司，有油甘魚，三文魚，八爪魚，海膽魷魚，青芥辣八爪魚等等；最鍾意火炙三文魚，油脂重，入口即化，而香蔥吞拿魚蓉就好清爽，口感又細膩。
主食有兩款，煙燻麵包蟹同北海道蟹腳，當然兩個都要試下！麵包蟹煙燻味好重，入面有勁多蟹膏！北海道蟹腳好大隻，些蟹肉好嫩，肉質鮮甜，啖啖肉食得好開心！
最後仲有個鍋物，叫咗海膽龍蝦湯底，配料除咗蔬菜，仲有宮崎A4和牛同埋北海道米豚﹑廣島蠔，海膽龍蝦湯底好濃郁又好夠鮮味，宮崎A4和牛肉質軟腍，北海道米豚入口都好正！全部都好有水準，食完暖笠笠好滿足。
