影片
更多
2020-12-23
1778 浏览
🎶又到聖誕！又到聖誕！聖誕最岩係食咩啊？對港女一族來講就梗係high tea啦！今次熊妹就揀咗《Conrad Hotel》大堂嘅聖誕冬日下午茶同貓妹感受下節日氣氛，迎接聖誕啦！📌喺「Pacific Place」3樓LV附近嘅升降機大堂搭lift就可以上到去《Conrad Hotel》嘅lobby lounge。📌Lobby lounge 環境都幾闊落，有梳化位、二人枱同四人枱，燈光暗暗地💡，以古典優雅風為主。📌聖誕就到，周圍環境都佈置上聖誕裝飾，紅紅綠綠勁有聖誕氣氛🌺。📌睇吓呢個節日下午茶Menu先，都幾多嘢食喎！有三文治、鹹點、甜點、鬆餅同飲品，$558兩位，五星級酒店🏨出品，價錢絕對🈴理啦！📌英式下午茶以傳統的三層圓架呈上，非常切合酒店嘅古典歐式風味。上層-甜點層上層多數為甜點層。Christmas Cookies（左一）聖誕主題就梗係唔少得聖誕曲奇啦，圖案就由聖誕經典標誌-聖誕老人同聖誕樹擔當代表。牛油曲奇🍪幾脆口，唔係鬆化嗰種，牛油味都重㗎，面頭嘅糖霜就預咗甜啲啦，主要都係用嚟畫出聖誕樹🎄同聖誕老人🎅。Mince Pie （左二）呢款Mince Pie 🥧唔好以為係肉餡，係甜點
🎶又到聖誕！又到聖誕！聖誕最岩係食咩啊？對港女一族來講就梗係high tea啦！今次熊妹就揀咗《Conrad Hotel》大堂嘅聖誕冬日下午茶同貓妹感受下節日氣氛，迎接聖誕啦！
📌喺「Pacific Place」3樓LV附近嘅升降機大堂搭lift就可以上到去《Conrad Hotel》嘅lobby lounge。📌Lobby lounge 環境都幾闊落，有梳化位、二人枱同四人枱，燈光暗暗地💡，以古典優雅風為主。
📌聖誕就到，周圍環境都佈置上聖誕裝飾，紅紅綠綠勁有聖誕氣氛🌺。
📌睇吓呢個節日下午茶Menu先，都幾多嘢食喎！有三文治、鹹點、甜點、鬆餅同飲品，$558兩位，五星級酒店🏨出品，價錢絕對🈴理啦！
Afternoon Tea Set
$558
75 浏览
0 赞好
0 留言
上層
52 浏览
0 赞好
0 留言
上層多數為甜點層。
Christmas Cookies（左一）
聖誕主題就梗係唔少得聖誕曲奇啦，圖案就由聖誕經典標誌-聖誕老人同聖誕樹擔當代表。
牛油曲奇🍪幾脆口，唔係鬆化嗰種，牛油味都重㗎，面頭嘅糖霜就預咗甜啲啦，主要都係用嚟畫出聖誕樹🎄同聖誕老人🎅。
Mince Pie （左二）
呢款Mince Pie 🥧唔好以為係肉餡，係甜點嚟㗎，用上嘅係提子乾啊蘋果蓉玉桂味嘅甜餡，煮溶咗嘅甜餡味道都幾甜。仲有一支好細支嘅吸管，可以個人喜好唧上一啲雲呢拿汁，提升少少奶油味。
30th Anniversary Cake - Chocolate & Clementine Crunchy
嘩!冇諗過有《Conrad Hotel》經典蛋糕，上面一層係好濃郁好軟滑嘅朱古力層🍫，下面就帶有少少柑橘脆脆，味道都幾夾，不過都幾甜下。
仲有聖誕樹🎄朱古力做裝飾，好xmas feel呀！
Chestnut Mont Blanc
仲有聖誕吊鐘嘅栗子撻，真係好切合聖誕主題。
迷你嘅聖誕吊鐘🔔就係朱古力牌，栗子撻細細地一件，一啖擺入口啱啱好，牛油撻皮脆脆地，中間栗子餡🌰唔係好甜又唔係好膩。
Old English Fruitcake
竟然仲有傳統嘅英式水果蛋糕，個Tea set真係好歐陸英式下午茶格。
傳統蛋糕🍰係預左比較偏甜，感覺上落咗成斤糖，啲水果乾又係比糖水浸過，成件事就淨係得個甜字啦。
中層
38 浏览
0 赞好
0 留言
中層為三文治層，比較飽肚。
Roasted Turkey & Cranberry Cream - in mini Brioche（左）
鹹鹹嘅火雞卷混合甜酸嘅紅莓醬，夾雜係鬆軟嘅麵包中間，非常經典嘅一款英式小食🌮。
Smoked Salmon & Watercress - in whole wheat bread（中）
本身鹹鹹地，煙燻嘅三文魚同水田芥菜配合埋一齊，感覺有點鹹，麥包就好軟熟。
Cucumber & Cream Cheese - in white bread（右）
薄薄嘅青瓜片，塗上忌廉芝士，再配合白麵包，簡單清爽又飽肚的三文治🥪。
下層
36 浏览
0 赞好
0 留言
下層為飽肚層嘅鹹點層。
Homemade Sausage Roll
英式經典嘅酥卷-肉卷，外層酥皮好鬆化，內裏免治肉碎粒粒鹹鹹地，最好就係點茄汁食。
Foie Gras & Pistachio Bon Bon
又黎喇！熊妹最討厭的鵝肝又出現喇！今次比較好係外面鋪滿開心果粒粒，包裹住成粒鵝肝粒，中和返少少內臟嘅味道，熊妹試左一啖，點都係頂唔順，益晒貓妹。
Truffle and Mushroom Duxelles Vol-au-Vent
又一經典英式小食-黑松露蘑菇酥盒。黑松露味唔算太重，內餡蘑菇粒粒🍄都唔少，外皮酥皮放涼了都好鬆脆，牛油味🧈唔算太香，整體味道都唔錯。
Scones
40 浏览
0 赞好
0 留言
超級開心，有四件英式鬆餅，有牛油同埋提子乾味每樣每人一件。
《Conrad Hotel》做嘅英式鬆餅都幾唔錯，牛油味道重🧈，質感都鬆化，放涼左都仲係幾好味，熊妹都係鍾情有提子乾款，因為有少少甜味再提升牛油嘅奶油味道。
啖啖的clotted cream都係熊妹嘅至愛，不過一碟仔太少喇，得一啖就食完，熊妹同貓妹喺refill左四次先滿足到歎英式鬆餅配奶油忌廉嘅美味口感。
Warm Christmas Pudding with Eggnog Sauce
21 浏览
0 赞好
0 留言
呢款聖誕布甸🍮，其實係外型比較似布甸，口感似食緊肉桂提子乾蓉，再淋上經典聖誕奶酒🍸，添多一份奶油香味，雖然味道都偏甜，但食下食下都接受到。
French Earl Grey
28 浏览
0 赞好
0 留言
茶款都用上非常精緻嘅銀器茶具，即使淨係軀軀用一個茶包都已經提升左成件事嘅價值。
熊妹揀咗經典的法式伯爵茶🍵，獨特嘅味道配上各款鹹點甜點小食，可以消消濟，清清口腔味道。
Afternoon Tea Set
47 浏览
0 赞好
0 留言
29 浏览
0 赞好
0 留言
张贴
