水木日本料理

已幫襯左水木好幾年,由舊鋪搬到依家新鋪都一直保持到,新鋪環境更舒適,坐得舒服,新鋪既PRIVATE ROOM比舊鋪更大更寬闊,最岩同一大班朋友聚聚.
講番今次HAPPY FRIDAY同朋友黎食晚飯,一定唔少得既就係刺身壽司,叫左個刺身拼盤同鯛魚刺身,每件都新鮮肥美,而我最LIKE個鮟鱇魚肝,極開胃. 牡丹蝦好鮮甜!師傅會將蝦頭炸好,之後分開上.香脆可口(掛著食忘記影相..)
今晚亦幾左幾款熱食,佢地既天婦羅,炸得剛剛好,蝦身極之JUICY.每次黎到都一定會叫既.再來一客燒鰻魚,入口即溶,超好食!!
朋友們都勁讚佢地既壽司有水準,飯量剛剛好,灸燒三文魚大大件.
最後來件日本蜜瓜作總結,大滿足既一晚!