Ha Noi 越南菜

营业中

休息中

公司附近開左間新開越南菜，間中都會黎食，今晚係公司OT同同事叫左呢間外賣，外賣自取仲有85折都幾抵食。。🥢極品牛三寶湯河粉$70最鍾意佢個湯底，好濃味既牛骨湯，配料有齊生牛肉、牛展、牛丸，正宗得黎份量又多。。🥢越式河內三寶飯$70三寶飯有：豬扒雞翼扎肉，佢既炸嘢好好味，雞翼同豬扒香茅味十足，炸得夠乾身又唔會過火。。🥢酥香軟殼蟹$42 呢個炸原隻軟殼蟹係我大愛，成隻炸，炸粉唔太厚，咬落脆卜卜又鬆化。。我好鍾意飲佢既滴漏咖啡，咖啡味濃，煉奶好濃郁，跟餐+$18幾抵飲；另外+10 特飲紅豆冰都唔錯。