每道菜都會細心介紹，口味偏好仲會順住調整
完全無架子，體驗感拉滿！
開場海鮮茶碗蒸真係驚喜，入面滿滿魚肉同蟹肉
滑溜溜又鮮甜，蛋香好濃
白子刺身，入口creamy到好似雲朵，完全無腥味
北寄貝刺身好爽脆，新鮮度唔使講！爆鮮甜
安康魚肝口感幼滑到好似慕斯，鹹香得來好甘醇
完全唔油膩，配埋小酸汁超解膩～
白灼琵琶蝦鮮到出汁，肉質彈牙，原汁原味最正
死之前師傅會比你見佢最後一面 保證佢新鮮
壽司系列
赤貝壽司脆卜卜貝肉鮮甜帶少少海水味
骨膠原鯛魚壽司好軟糯
深海池魚同中拖羅油脂分布均勻，入口即化
脂香同鮮味平衡得完美！
北海道火炙銀鱈魚壽司，炙過之後魚油香到暈
魚肉嫩滑到唔使咬
右口魚炙得邊位微焦，魚味濃郁超爆多油脂，極邪惡
赤馬糞mix黃馬糞丼，海膽鋪得好厚好似唔洗錢咁
入口好creamy 鮮甜無腥
吞拿魚蓉脆脆手卷
吞拿魚蓉魚油味好香濃 用天婦羅脆脆打底咁就唔會膩
好新奇既食法
收尾甜點玉子布甸滑溜溜，蛋味好足
甜度岩岩好唔會漏
抹茶雪糕茶香濃郁，微苦回甘，食完重點都唔覺膩！
價錢真係好抵，性價比高到爆炸！
