食材用到最頂級，魚料唔當造唔用，每道菜都挑戰緊味蕾癲峰🔥
第一道前菜已經有驚喜！小樽瀨尿蝦搭配北海道紫海膽✨ 紫海膽色澤橙黃，帶有奶油般嘅滑順質地🤤
毛蟹肉質細膩，帶有天然鮮甜同微鹹海味🫶🏻配合濃郁蟹膏，濃淡平衡剛剛好☺️
青檸汁嘅酸爽調味更加係點睛之筆，恰到好處地中和咗食完蟹膏嘅油脂感，令整道菜清新而不失層次🙌🏻
以紐西蘭深海螯蝦為主角，搭配清新果凍同濃郁蝦膏，再以Royal Caviar Club 嘅 Cristal Caviar 點綴，味道層次非常豐富🥳
穴子天婦羅以和洋融合嘅創意手法，傳統日式海鰻天婦羅再灑上Parmesan Cheese，令人耳目一新✨
海鰻經輕炸後，外層裹上金黃酥脆嘅薄麵衣，咬落超級香脆！內裡肉質軟嫩多汁，帶有海鰻獨特嘅鮮甜與微脂香氣，不錯不錯～
愛女魚肉質肥美，風味清甜，以海鹽與柚子皮調味，更有初夏嘅味道💕
簡單嘅海鹽調味突出魚肉嘅天然風味，細碎柚子皮則散發出清新嘅柑橘香氣，略帶微苦嘅餘韻中和咗魚肉嘅油脂感，細節盡顯心思🫶🏻
夏季當造嘅石垣貝，肉質彈嫩且鮮甜，入口後帶有輕微嚼勁，很好吃的！
池魚肉質細膩，油香肥美✨ 薑蓉辛香與蔥嘅清爽為魚料注入一抹清新，令人回味無窮🤤
赤鯥魚經過輕微炙燒，表皮呈現誘人嘅金黃焦香🥰 燒烤過程迫出油脂，口感滑順卻不油膩，非常出色！
山口縣磯煮鮑魚有拳頭咁大🫨 經過8小時慢煮，肉質軟嫩而不失彈性，入口後散發出鮮甜與高湯嘅濃郁香氣✨
配搭質地細膩如絲嘅鮑魚肝醬，入口層次豐富卻不顯厚重，十分推薦！
沙甸魚肉質緊實，捲入細切蔥絲與pickles🌱
蔥絲清爽與微辛為沙甸魚嘅濃郁解膩，pickles酸脆則增添清新對比，特別係搭配河豚蔥嘅獨特辛香，口感帶有豐富層次🫶🏻
花竹蝦經輕微炙燒後，內裡保持半熟嘅晶瑩質地，外層肉質Q彈多汁✨
搭配醬油嘅鹹香同wasabi嘅微辛，為蝦肉增添層次感，卻不掩蓋其天然風味，調味簡單而恰到好處👍🏻
中拖羅質帶有適中嘅筋，經過輕微炙燒後，油脂被輕輕迫出，油脂與瘦肉在舌尖交織，層次感非常豐富🫶🏻
白利尻海膽來自北海道利尻島，當地盛產利尻昆布（日本頂級昆布）🇯🇵
而白利尻海膽就係食呢種昆布長大嘅，味道清雅甘甜，口感細膩的✨ 而且份量比得超闊綽！！大讚👍🏻👍🏻
大拖羅肉質呈現粉紅帶白嘅大理石紋理，油脂分佈均勻，入口後如奶油般瞬間融化🤤 這個好吃！
鰹魚經輕微炙燒後，散發出炭燒嘅煙燻香，肉質緊實且帶有豐富嘅油脂與鮮甜🥰
金鯛魚嘅魚鱗炸至香脆，咬落有聲！！魚皮嘅焦香與微鹹，同魚肉嘅軟嫩形成鮮明對比，口感很不錯😛
伊勢海老肉質結實而彈牙，荷蘭醬嘅加入為龍蝦增添奶油般嘅滑順，帶來濃郁嘅西式fusion風味，卻不掩蓋龍蝦嘅鮮美✨
仲有風乾魚子醬嘅點綴，細小嘅魚子醬帶來濃縮嘅海洋鹹香與微脆嘅口感，即刻將成道菜嘅層次昇華咗🆙
鹿兒島薩摩雞清湯以法式consommé嘅方式呈現，將日式食材與西式工藝完美融合🤣
薩摩雞經過長時間慢熬，入口散發雞肉嘅濃郁香氣與蔬菜嘅清甜，湯汁清甜無雜質，溫潤暖胃的🫶🏻
最後估唔到甜品都驚艷到我！腐皮炸至金黃酥脆，內裡注入京都豆乳製作嘅panna cotta，豆乳清香非常突出，而且口感順滑✨
奶凍使用豆乳會比起用牛奶會更light啲，而且味道微甜不膩🤤 店員話呢款係餐廳signature嘅甜品推薦要試，果然冇介紹錯！
