灣仔名物，大坑都有啦，今晚經過，過來試下先，由天后地鐵站B出口行過來約9分鐘，方便。餐廳分地下和閣樓兩層，閣樓私隱度高，乾淨舒適，無論情侣食飯、團體聚餐皆宜。
時令鮮果蔬菜沙律：份量大，蔬菜新鮮爽口，水果鮮甜，淋上芝麻醬，更加美味，健身瘦身人士必選！
招牌脆皮燒雞（半隻）：新鮮熱辣出爐，雞皮油油亮亮，金黃酥脆，肉質鮮嫩多汁，皮脆肉嫩，怪不得是招牌！必食！大坑限定：外賣自取優惠，送爆打香水檸檬茶$78，超抵食！堂食跟餐要加$14。跟餐薯條熱辣香脆。
1
3
一口西多士（6件）：外層炸至金黃香脆，有一層薄薄的煉奶奶油，鹹鹹甜甜，勁邪惡的美味。
1
爆打香水檸檬水：肉眼所見有半隻以上的新鮮香水檸檬製成的檸檬水，香氣濃郁，自然清新，果皮清甜，沒有苦澀味道，推介！
1
薔紅宅急便 (大坑)
大坑新村街4A號地舖
