餐牌有好多特色湯鍋，有招牌臭臭鍋，沙茶醬鍋，麻辣鍋及養生鍋等。 而且仲有個抵食二人套餐， 都係$258，已經包咗兩個鍋、主食、肉類、小食及飲品。 食完又飽又暖身！ 而我哋今次就揀咗佢哋嘅二人套餐
1）香蒜濃湯鍋 （不辣）- 湯鍋配料豐富， 有甜不辣、唔同丸類、菜類及菇類及墨魚仔等。湯頭蒜香味濃郁，會上白飯一齊食， 好滿足
2）秘製酸辣湯鍋 - 酸辣味十足， 配料有米血糕、甜不辣、各式各樣丸類、木耳及魚柳等，再配上粉絲，索曬湯汁，非常惹味!
3）白豚肉及羊肉片 - 每碟有五六片， 油花唔錯，白豚肉嫩滑， 羊肉唔騷
4）秘製香辣鴨血 - 食落唔係好辣，鴨血大大舊舊，爽滑彈牙
5）奶茶及芋香奶茶 - 凍奶茶大大杯，甜而不膩， 芋香奶茶香氣十足， 熱飲更佳
