香港第一小食

同老公去到筲箕灣啲餐廳食完個晏，想話都飽嘞，行吓逛吓就算啦！點知經過呢間名不經轉o既小食店，看似賣台灣食品，點知個名叫做「香港第一小食」，可能啲嘢食都要嚟香港旅遊啦。

認住呢個嘜呀！

比佢哋放喺門外啲嘢食吸引住......係咩嚟？
我見到有炸粉果呀！

右面就係炸粉果嘞！

蒸粉果已經唔係咁多舖頭做得好食，重要炸喎，緊係要試一試佢啦。唔試尤自可，一試就不得了。老闆娘重送埋啲炸菜過我試吓o添，嘩！真係攞啲西蘭花、椰菜花、豆角炸喎。以為會好乾同油，點知一啲都唔油，又脆又有蔬菜o既甜味，重好Juice o添，超讚！講返個炸粉果啦，外面好酥香，粉果皮並冇炸到好硬，仍然好軟滑，裏面又香口、惹味，每件都細細舊，一啖就放晒入口，好有咬口，好QQ的感覺，難以形容。最主要就係價錢平到都唔知有冇可能搵到第二間，

菜牌只得兩個

呢張就係第二張

有o既就請留言比我去試啦，因為呢間舖重有其它嘢食我都好想試o架，

好想試，但又真係太飽，所以下次試過。

Thanks！