燈籠滷味 (朗豪坊)

营业中

休息中

臨近聖誕節，去旺角格定價買禮物，順便去咗朗豪坊揾地方食晚飯，朋友話想食台灣嘢，咁我哋就選擇咗去#燈籠滷味，呢間滷味好出名，近推出抵食二人餐，所以入內一試！滷味「台灣至尊」-雞翅膀、黑輪條、凍豆腐、鳥蛋、大豆皮、空心菜（通菜）配米線經過細心嘅燉煮，所有配菜非常入味，款式之多口感豐富。似是台式車仔麵。當中雞翼肉質幼嫩，每一種滷味都值得一試。蜂巢牛肚「古早香菇滷肉醬」拌手工烏龍麵估唔到滷肉同烏龍麵都幾夾，個汁好掛麵，牛肚有5件， 煮得好入味，食落好爽口。麻辣香滷豬耳朵豬耳韌中帶嚼勁，麻辣味屬於BB辣，岩岩怕辣而又想食辣既朋友仔。蜂蜜荔枝紅茶（凍）茶底口感滑順，又有去膩嘅感覺。古早冬瓜茶（凍）二百零蚊的價錢食到飽飽，差不多枱枱都點呢個餐！