山下菓子 (如心廣場) (已結業)

朋友很喜歡到卡通主題餐廳食飯，
之前陪她食過美少女戰士點心，
這次來到荃灣如心廣場Chip&Dale主題限定店晚飯！

門面有趣可愛

靚靚卡位

精品架，喜歡可即場買走

場內極多可愛打卡點，未食飯先興奮。
除了正常餐牌外，亦有一份Chip&Dale主題餐牌，
跟餐送上松鼠牛油曲奇，好玩又好味！

點松鼠主題食物，贈送牛油曲奇

拉芝大蝦意粉 $108
上枱芝士味香噴噴，茄膏融合大量芝士，
意粉入口濕潤，芝味濃郁，
配合煎香過的爽口大蝦，唔錯！

大蝦配多芝多茄，正！

口感濕潤，勁多茄汁

咖哩蛋包飯連和牛漢堡 $138
蛋包飯內的白飯是松鼠頭，十分可愛，
俘虜了朋友的少女心，和牛漢堡富肉汁，
炒蛋充滿牛油香，配合微甜日式咖喱，
幾好味！

日式咖喱，香而不辣！

白飯卡通造型，好有趣

士多啤梨梳乎厘班戟 $139
梳乎厘班戟製作需半小時，
食完意粉剛好上枱，班戟質感鬆軟，
口感似軟綿綿蛋糕，
配合淡忌廉和士多啤梨粒粒，大滿足！

份量特大，好食又飽肚

內裡鬆軟，似食生日蛋糕！

鮮果比利時窩夫 $119
剛焗好既窩夫賣相一流，食落口感好酥脆
沾上糖漿食，甜甜的，好邪惡呀！
配合不同鮮果，酸酸甜甜，朋友很喜歡！

感覺好健康的一款甜品！

邊食芝士大蝦意粉 ，邊飲茉香芒芒芝士奶蓋
整個口腔充滿香濃芝士味道，雙重享受，
底層的芒果茉莉花茶沙冰，入口透心涼！

用真芒果打成沙冰，啖啖芒果酸甜滋味

$40

🌸山下菓子
🌸荃灣大河道98號如心廣場二期2樓210號舖




🌙月光太太