太陽系同學會

好耐之前去過馬灣嘅一間太陽系委員會原來佢仲有另外一間分店就係位於長沙灣嘅🏀太陽系同學會🏀，雖然呢間比馬灣嘅細好多，不過佢都係一間寵物友善餐廳🐶，裏面主要都係西式漢堡為主，當然唔少得佢哋自家製嘅馬灣可樂🍹啦，佢哋嘅可樂係加入咗玉桂，所以飲落有一種好特別嘅味道👍🏻，我都幾鍾意飲，另外我哋每人嗌咗個漢堡另外加錢有小食分別係雞鎚同埋薯條🍟

🍔花生醬牛肉脆煙肉漢堡 $78 :呢度比較特別嘅就係花生醬牛肉漢堡，食落味道幾夾😆又鹹又甜咁嘅特別，牛肉嘅味道都算重，雖然唔係太厚身，不過熟度啱啱好，唔覺靭😌，至於其他配菜都新鮮唔錯👍🏻

🍔太陽系雙層魚柳漢堡 $68 :另外叫咗個雙層魚柳漢堡，佢係有兩塊厚身嘅魚柳，炸到金黃色食落唔會太油膩亦都唔會太乾身👏🏻，但整體味道一般，冇咩驚喜，佢哋呢度嘅漢堡都係偏細份，如果食晒成份對我嚟講只係啱啱好

雖然呢度地方唔算大，但係可以比毛孩自由走動，冇話規限要坐邊度，環境佈置都幾特別😍，都有啲打卡位，同埋呢度冇低消，一杯嘢飲就可以坐喺室內嘆住冷氣咁同狗狗互動，炎熱夏天又有多一個hea 嘅地方啦👍🏻