Al Dente

营业中

休息中

入門口侍應有點漫不經心， 另一位較年長既反而比較好。餐包有香草味，微暖，質地鬆軟。 配埋橄欖油同醋幾好食。 不過，竟然係今餐第二好食嘅嘢 ……凱撒沙律，一般般，羅馬生菜又未至於話唔新鮮，不過又唔係好爽脆。黑松露蘑菇扁意粉，最大嘅失望。 餐廳明明叫做 Al Denta，但係意粉真係好一般。 黑松露味唔多覺，香草還可以。 意粉唔夠彈牙，亦冇咩蛋香。 相比另幾間意粉名店有好大段距離。另外，意粉比較多油，雖然油整體味道還覺不過不失。反而，見隔離枱既羊朳同西冷好似幾好。 係咪要改餐廳名 ……朱古力軟蛋糕配雲呢拿雪糕，呢樣係全餐最好食。 朱古力夠濃郁，軟硬適中。 配雪糕一冷一暖，一濃一淡，總算有個好結尾。另外，服務態度唔係差，但係上菜好趕急。 沙律仲未食完，就將意粉上枱。 唔似係比較好餐廳應該出現既情況，要扣分。