スーパー丼 (駱克道)

銅鑼灣 Superdon 晚飯時間都幾多人排隊，今次坐係bar 枱。

火炙三色丼，三文魚、帆立貝、左口魚邊，魚生份量好多，擺盤好精緻，入口即融好好味，日本珍珠米粒粒分明，唔覺唔覺好快食完，好味。

和風豆腐沙律，幾乎好多枱都叫呢個沙律，滑滑厚厚既日式豆腐，有好多種類既沙律菜，又有昆布同蕃茄，真係好清新又飽肚。配有胡麻醬，非常開胃。

巨峰Calpis 乳酸梳打，超爽，又香甜，夏天解渴一流。

餐廳好有日式感覺，每個位都有小富士山筷子座，非常可愛。價錢合理，食物高質。除左招牌魚生飯，亦有串燒。