端記茶樓

鍾意嚟呢度飲茶，係特別因為佢哋嘅環境，飲完茶仲可以慢慢周圍行吓，吸收下新鮮空氣，加上今日唔係太凍，又陽光普照，特別精神爽利！

呢度最特別嘅就係要自己去攞餐具，自己斟茶斟水，自己去攞嘢食。如果初次嚟唔識嘅，佢哋啲職員都會好有禮貌地指導，不過都係要自己去攞😂，佢哋淨係會負責抹枱，執嘢，同埋計數埋單。

佢哋啲點心唔算大大件，但係我反而仲鍾意，因為可以試多幾款點心。今次食咗煎堆，蝦腸，蒸排骨，粥，蝦餃，馬拉糕，鮮竹卷，同埋嗌咗個蒸飯，仲有一大碟生菜，全部食晒好滿足☺️

1

3

1