1
選左個二人前餐$2188
先來個前菜，有合桃小魚乾 、芥辣八爪魚仲有新鮮沙律菜，令人胃口大開。
銀雪魚煎到魚皮金黃脆卜卜，魚肉厚身嫩滑。
原隻活龍蝦，斤兩十足，烹調得恰到好處令蝦肉爽口彈牙。蝦頭用來煮湯加埋豆腐、昆布鮮甜都極點。
法國鵝肝多士，鵝肝肥厚油潤，入口溶化。食完再食燒菠蘿完全不覺油膩，感覺仲好清新。
今餐有好多驚喜，第一個驚喜就係為我哋下廚係一位後生靚女廚師，通常日本料理都係男廚師多，好少見女的。第二個驚喜就係呢個蝦乾蟹子炒飯，一個看似簡單平凡嘅炒飯，但食起來色香味俱全。整到成心型俾我哋打卡，飯炒到粒粒分明金黃。最後仲細心問我哋需唔需要加隻蛋，要太陽蛋、煎蛋、還是荷包蛋？呢個炒飯真係好暖心😂
最後驚喜係品嘗完所有美食後，靚女廚師仲畫左福畫祝我哋每日都開開心心😊，呢餐真係低食，驚喜，大滿足😋😋
