首先係牛肉海膽壽司，和牛片輕輕火炙過，油脂香氣撲鼻而來，上面鋪滿鮮橙色嘅海膽，入口即化！牛肉嘅脂香同海膽嘅甘甜完美融合，兩種濃郁味道撞出驚喜，真係食到唔捨得吞啊！
跟住係原條海鰻壽司，成條海鰻舖滿成件壽司，視覺效果滿分！鰻魚燒得啱啱好，外皮微脆，肉質軟嫩，醬汁甜而不膩。最正係完全冇細骨，大口咬落去超滿足，鰻魚愛好者必點！
壓軸嘅究極之戀壽司果然名不虛傳！將拖羅、海膽、三文魚子堆成小山，一啖放入口，三種唔同口感同時爆發——拖羅嘅豐腴、海膽嘅creamy、三文魚子嘅爆漿，簡直係味覺盛宴！雖然價錢貴少少，但絕對物有所值～
呢度嘅壽司用料新鮮，配搭有心思，師傅手勢亦到家。雖然店仔細細，但絕對係隱世高手！
