朴將軍

係Facebook見到銅鑼灣呢間韓國菜做緊88蚊任食炸雞優惠，考完試即刻拉friend子一齊去試。
店鋪位置方便，但只有兩位韓國店員忙碌服務，而且用英文溝通，稍微不便，出餐亦稍慢。

88蚊炸雞任食有7種口味：脆皮原味、醬油味、甜辣味、蜜糖味、烤醬味、三重芝士味及辣味。每次限制只能點四種口味，食完先可以再叫。

幾鍾意食炸雞嘅夾同埋小垃圾桶。其中最期待的三重芝士味居然不供應

一共叫左兩輪，除左脆皮原味外排名如下：蜜糖味、醬油味、烤醬味、甜辣味、辣味。
炸雞部位挺好，脆皮略厚，但雞肉挺嫩。

全部口味都非常甜，辣味超級無敵辣，辣到我地只好叫飲品。於是叫左一杯超級貴嘅荔枝特飲($5x)，燈泡杯幾靚但底部led燈已壞，有小許失望。

限時兩小時，時間足夠有餘但食得唔算飽，因為齋食炸雞有啲悶同乾，加上俾地獄辣味辣完好心累，只係無得試芝士味幾遺憾，埋單每人$130左右，呢個優惠不建議一試。