RED HOUSE

同朋友二人幫襯red House，職員安排卡位後，叫了一份75元set lunch，加16元配湯和牛角包，獨立再叫一杯凍檸茶30元（正價），合共$121。職員忽然叫我倆人轉坐一張六人枱，然後原先張枱給另外兩個客人，我問點解？他說你叫一個餐所以要坐搭枱。最後我要叫兩個餐，合共168元，並且轉坐一張更細嘅窗口卡位。
red house最平一個常餐62元，若然兩個客人入來叫兩個常餐都是124元。原本我們叫嘅食物是121元，同兩個客人叫兩個常餐124元只差三元，請問有咩分別？相差三元就要你起身搭枱？店員說午餐時分一人要叫一個餐否則就要搭枱，但我嘅價錢差唔多等同兩個常餐。我們兩人不是淨係坐響度叫兩杯嘢飲呀？
red House應該要在門口貼相告示：午餐時份不可淨飮，或者著名不歡迎靜飲的客進入，靜飲必須要搭枱！而不是安排了人入座後，有因為人哋唔係食兩個餐叫人起身。
red House是否應該要睇客人食嘅價錢作定論，而不是一人一個餐去作定論。
最終我夾硬要叫多一個餐外賣，浪費金錢和食物！
怪不知香港嘅飲食業，畀人話服務差食完一肚氣。