大圍小館

营业中

休息中

之前成日都訂唔到位，尋晚終於有機會食到呢間得獎餐廳！今次係兩家人一齊食飯，有老人家有細路仔，菜式老少咸宜，上菜又溫度，服務親切，果然名不虛傳！炒嘢好有鑊氣，叫咗個炒蜆，送啤酒一流！另外隻雞非常之皮脆肉嫩，食到舔舔脷！其實仲有好多想食嘅嘢，例如圓體啦，不過人唔係好多，叫唔到好多餸菜。希望下次可以叫多啲朋友一齊嚟試吓。食完之後侍應送咗一啲自家製嘅焦糖核桃，係幾香口，仲可以買走。不過我哋冇買 。有鑊氣，讚！乳鴿都好食，不過點菜時冇留意，又食雞又食乳鴿，感覺多咗啲 。可惜你喺呢度附近泊車唔係好方便，如果坐港鐵過嚟大圍站，行5分鐘就到就唔錯嘅。