預咗佢唔係百幾二百蚊拉麵嘅質素，我揀咗最平嘅一碗職人叉燒拉麵$48。
如果嫌唔夠餸，可以再加錢加餸。
麵底都可以要求軟、硬或正常。
呢個價錢同你食碗譚仔都差唔多，嚟到份量都好足夠。
味道質素，唔好同百幾二百蚊拉麵俾。
1
個麵本身有半隻蛋+3片薄叉燒。
真係偏薄，但係叉燒唔鞋口。
我覺得佢嘅拉麵味道合乎佢價錢，但我鍾意佢地唔會偏咸同埋唔油。
本身湯底可以加$5轉麻辣豚骨湯，我冇加錢，直接用返佢台面提供嘅辣油。
唔好同麻辣比，但係佢個辣味都好食!
^ 兒童餐嘅野菜薯餅，都OK，唔錯。
因為同行有小朋友，所以都嗌咗份兒童餐$58。
兒童餐有2款，仲有兒童餐玩具送。
小朋友揀咗車仔款嘅食物，有碗拉麵有一片叉燒，另有八爪魚香腸一條、菜、蛋半隻、野菜薯餅、粟米、雞翼一隻、紫菜及飲品
都算抵食，仲有玩具送。
咁耐冇嚟，原來模式已經同以前唔一樣。
而家係搵位坐低，掃QR code落單，即時俾錢，店員過一陣就上菜。
個人覺得都唔錯，可以再返嚟encore.
兩個人埋單免加一$106
